ഓര്ക്കാപ്പുറത്ത് വെള്ളത്തില് തള്ളിയിടുന്ന
കുളക്കടവിലെ പച്ചപ്പ്
കൊതിപ്പിച്ചു വിളിച്ച്
ഉള്ളില് ഒരുമുട്ടന് പുഴുവിനെ വച്ചുതരുന്ന കിളിച്ചുണ്ടന്
കാറ്റുകുത്തിക്കളഞ്ഞ് പെരുവഴിയില് തള്ളിക്കുന്ന
ഹെര്ക്കുലീസ്
ക്ലൈമാക്സ് കീറിമാറ്റിയ ഷെര്ലക് ഹോംസ്
വെള്ളത്തില് വീഴുന്ന സ്വപ്നംതന്നെ
വീണ്ടും വീണ്ടും കാണിക്കുന്ന തെക്കേമുറി
ഉച്ചിയില് മച്ചിങ്ങയെറിഞ്ഞ്
ഉച്ചയുറക്കം കളയുന്ന
കൊന്നത്തെങ്ങ്
പാമ്പിഴയുന്ന ശബ്ദമുണ്ടാക്കി പേടിപ്പിക്കുന്ന
വഴിവക്കിലെ കൈതക്കാട്
എന്നും പതിനാറുവയസാണെന്ന് കള്ളംപറയുന്ന
പൈപ്പിന് ചുവട്...
എല്ലാരും കാത്തിരിക്കയാണത്രേ
കാത്തിരുന്നോ
ഞാന് വരുന്നില്ല.
Wednesday, May 14, 2008
Subscribe to:
Posts (Atom)
